رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
نہ بھولا اضطراب دم شماری، انتظار اپنا
Ghazal ·
Mirza Ghalib ·
مرزا غالب
· 7 sher
حسن
Husn
یاد
Yaad
انتظار
Intezar
نہ بھولا اضطراب دم شماری، انتظار اپنا
کہ آخر شیشۂ ساعت کے کام آیا غبار اپنا
ز بس آتش نے فصل رنگ میں رنگ دگر پایا
چراغ گل سے ڈھونڈے ہے چمن میں شمع خار اپنا
اسیر بے زباں ہوں، کاشکہ! صیاد بے پروا
بہ دام جوہر آئینہ، ہو جاوے شکار اپنا
مگر ہو مانع دامن کشی، ذوق خود آرائی
ہوا ہے نقش بند آئینہ، سنگ مزار اپنا
دریغ! اے ناتوانی، ورنہ ہم ضبط آشنایاں نے
طلسم رنگ میں باندھا تھا عہد استوار اپنا
اگر آسودگی ہے مدعائے رنج بے تابی
نیاز گردش پیمانۂ مے روزگار اپنا
اسد ہم وہ جنوں جولاں گدائے بے سر و پا ہیں
کہ ہے سر پنجۂ مژگان آہو پشت خار اپنا
Mirza Ghalib ka aur kalaam
Koi aur sher