رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Nazeer Akbarabadi
›
Intikhab-e-kalaam
جو کہتے ہو چلیں ہم بھی ترے ہم راہ بسم اللہ
Intikhab-e-kalaam ·
Nazeer Akbarabadi ·
نظیر اکبرآبادی
· 6 sher
خدا
Khuda
حسن
Husn
انتظار
Intezar
جو کہتے ہو چلیں ہم بھی ترے ہم راہ بسم اللہ
پھر اس میں دیر کیا اور پوچھنا کیا واہ بسم اللہ
قدم اس ناز سے رکھتا ہوا آتا ہے محفل میں
کہ اہل بزم سب کہتے ہیں بسم اللہ بسم اللہ
لگائی اس نے جو جو تیغ ابرو کی مرے دل پر
لب ہر زخم سے نکلی بجائے آہ بسم اللہ
شب مہ میں جو کل ٹک ڈگمگایا وہ تو سب انجم
وہیں بولے خدا حافظ پکارا ماہ بسم اللہ
وہ جس دم نسخۂ ناز و ادا آغاز کرتا ہے
تو ہم کہتے ہیں اک اک آن پر واللہ بسم اللہ
جو اس کی چاہ کا جی میں ارادہ ہے تو بس اے دل
مبارک ہے تجھے جا شوق سے تو چاہ بسم اللہ
Nazeer Akbarabadi ka aur kalaam
Koi aur sher