رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
کافر بتوں کے نام ہوں کیوں کر تمام حفظ
Intikhab-e-kalaam ·
Riyaz Khairabadi ·
ریاض خیرآبادی
· 6 sher
خدا
Khuda
غم
Gham
یاد
Yaad
کافر بتوں کے نام ہوں کیوں کر تمام حفظ
اتنے خدا کہ ہو نہ سکیں جن کے نام حفظ
مطلب نہ خبط ہو کوئی فقرہ نہ چھوٹ جائے
قاصد نے حرف حرف کیا سب پیام حفظ
رونا مرا ہو اور بھی باعث ثواب کا
پڑھتا ہوں سوز میں نے کئے ہیں سلام حفظ
دوزخ کا ڈر نہیں ہے تو پتھر کی آگ کیا
کافر بتو ہمیں ہے خدا کا کلام حفظ
پیتے ہی یاد آ گئے بھولے ہوئے سبق
پوچھو کسی مقام سے ہے ہر مقام حفظ
میخانے میں نماز جو کی تو نے جلد ختم
سورہ بڑا نہ تھا کوئی تجھ کو امام حفظ
Riyaz Khairabadi ka aur kalaam
Koi aur sher