رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
ایسی لے دے ہوئی آ کر کہ الہی توبہ
Intikhab-e-kalaam ·
Riyaz Khairabadi ·
ریاض خیرآبادی
· 6 sher
موت
Maut
ایسی لے دے ہوئی آ کر کہ الہی توبہ
ہم سمجھتے تھے کہ محشر میں تماشا ہوگا
سعی ہر گام میں کی ہے یہ سمجھ کر ہم نے
وہی ہوگا جو مشیت کا تقاضا ہوگا
پی کے آیا عرق شرم جبیں پر جو کبھی
چہرے پر بادہ کشو نور برستا ہوگا
رہنے دے گا نہ دم ذبح کوئی حلق کو خشک
میکدے میں ہمیں اتنا تو سہارا ہوگا
مجھے کیا ڈر ہے کہ ہوں گے مرے سرکار شفیع
مجھے کیا ڈر ہے کہ تو بخشنے والا ہوگا
شرم عصیاں سے نہیں اٹھتی ہیں پلکیں اپنی
ہم گنہ گار سے کیا حشر میں پردا ہوگا
Riyaz Khairabadi ka aur kalaam
Koi aur sher