رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
مزے جہان کے اپنی نظر میں خاک نہیں
Ghazal ·
Mirza Ghalib ·
مرزا غالب
· 7 sher
بہار
Bahar
دنیا
Duniya
یاد
Yaad
مزے جہان کے اپنی نظر میں خاک نہیں
سوائے خون جگر، سو جگر میں خاک نہیں
مگر غبار ہوئے پر، ہوا اڑا لے جائے
وگرنہ تاب و تواں بال و پر میں خاک نہیں
یہ کس بہشت شمائل کی آمد آمد ہے؟
کہ غیر جلوۂ گل رہ گزر میں خاک نہیں
بھلا اسے نہ سہی، کچھ مجھی کو رحم آتا
اثر مرے نفس بے اثر میں خاک نہیں
خیال جلوۂ گل سے خراب ہیں مے کش
شراب خانے کے دیوار و در میں خاک نہیں
ہوا ہوں عشق کی غارت گری سے شرمندہ
سوائے حسرت تعمیر، گھر میں خاک نہیں
ہمارے شعر ہیں اب صرف دل لگی کے اسد
کھلا، کہ فائدہ عرض ہنر میں خاک نہیں
Mirza Ghalib ka aur kalaam
Koi aur sher