رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
اشعار چشم خوباں خامشی میں بھی نوا پرداز ہے
Ghazal ·
Mirza Ghalib ·
مرزا غالب
· 9 sher
حسن
Husn
بہار
Bahar
خودی
Khudi
اشعار چشم خوباں خامشی میں بھی نوا پرداز ہے
سرمہ تو کہوے کہ دود شعلۂ آواز ہے
پیکر عشاق ساز طالع ناساز ہے
نالہ گویا گردش سیارہ کی آواز ہے
دست گاہ دیدۂ خوں بار مجنوں دیکھنا
یک بیاباں جلوۂ گل فرش پا انداز ہے
ہے صریر خامہ، ریزش ہائے استقبال ناز
نامہ خود پیغام کو بال و پر پرواز ہے
سر نوشت اضطراب انجامیٔ الفت نہ پوچھ
نال خامہ، خار خار خاطر آغاز ہے
شرم ہے طرز تلاش انتخاب یک نگاہ
اضطراب چشم برپا دوختہ غماز ہے
نغمہ ہے کانوں میں اس کے، نالۂ مرغ اسیر
رشتۂ پا، یاں نوا سامان بند ساز ہے
نقش سطر صد تبسم ہے بر آب زیر گاہ
حسن کا خط پر نہاں خندیدنی انداز ہے
شوخیٔ اظہار غیر از وحشت مجنوں نہیں
لیلیٔ معنی، اسد، محمل نشین راز ہے
Mirza Ghalib ka aur kalaam
Koi aur sher