رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
داغ اطفال ہے دیوانہ بہ کہسار ہنوز
Ghazal ·
Mirza Ghalib ·
مرزا غالب
· 7 sher
امید
Umeed
بہار
Bahar
داغ اطفال ہے دیوانہ بہ کہسار ہنوز
خلوت سنگ میں ہے نالہ طلب گار ہنوز
خانہ ہے سیل سے خو کردۂ دیدار ہنوز
دور بیں درزدہ ہے رخنۂ دیوار ہنوز
آئی یک عمر سے معذور تماشا نرگس
چشم شبنم میں نہ ٹوٹا مژہ خار ہنوز
کیوں ہوا تھا طرف آبلۂ پا، یا رب؟
جادہ ہے واشدن پیچش طومار ہنوز
اشعار وسعت سعیٔ کرم دیکھ کہ سر تا سر خاک
گزرے ہے آبلہ پا ابر گہربار ہنوز
یک قلم کاغذ آتش زدہ ہے صفحۂ دشت
نقش پا میں ہے تپ تپ گرمیٔ رفتار ہنوز
ہوں خموشی چمن حسرت دیدار، اسد
مژہ ہے شانہ کش طرۂ گفتار ہنوز
Mirza Ghalib ka aur kalaam
Koi aur sher