رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
گر تجھ کو ہے یقین اجابت دعا نہ مانگ
Ghazal ·
Mirza Ghalib ·
مرزا غالب
· 9 sher
خدا
Khuda
حسن
Husn
امید
Umeed
گر تجھ کو ہے یقین اجابت دعا نہ مانگ
یعنی بغیر یک دل بے مدعا نہ مانگ
آتا ہے داغ حسرت دل کا شمار یاد
مجھ سے مرے گنہ کا حساب اے خدا نہ مانگ
اے آرزو شہید وفا خوں بہا نہ مانگ
جز بہر دست و بازوئے قاتل دعا نہ مانگ
برہم ہے بزم غنچہ بہ یک جنبش نشاط
کاشانہ بسکہ تنگ ہے غافل ہوا نہ مانگ
میں دور گرد عرض رسوم نیاز ہوں
دشمن سمجھ ولے نگۂ آشنا نہ مانگ
یک بخت اوج نذر سبک باری اسد
سر پر وبال سایۂ بال ہما نہ مانگ
گستاخیٔ وصال ہے مشاطۂ نیاز
یعنی دعا بجز خم زلف دوتا نہ مانگ
عیسی طلسم حسن تغافل ہے زینہار
جز پشت چشم نسخہ عرض دوا نہ مانگ
نظارۂ دیگر و دل خونیں نفس دگر
آئینہ دیکھ جوہر برگ دعا نمانگ
Mirza Ghalib ka aur kalaam
Koi aur sher