رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
محبت کا جب روز بازار ہوگا
Intikhab-e-kalaam ·
Mir Taqi Mir ·
میر تقی میر
· 6 sher
عشق
Ishq
حسن
Husn
محبت کا جب روز بازار ہوگا
بکیں گے سر اور کم خریدار ہوگا
تسلی ہوا صبر سے کچھ میں تجھ بن
کبھی یہ قیامت طرحدار ہوگا
صبا موئے زلف اس کا ٹوٹے تو ڈر ہے
کہ اک وقت میں یہ سیہ مار ہوگا
مرا دانت ہے تیرے ہونٹوں پہ مت پوچھ
کہوں گا تو لڑنے کو تیار ہوگا
نہ خالی رہے گی مری جاگہ گر میں
نہ ہوں گا تو اندوہ بسیار ہوگا
یہ منصور کا خون ناحق کہ حق تھا
قیامت کو کس کس سے خوں دار ہوگا
Mir Taqi Mir ka aur kalaam
Koi aur sher