رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
سر مار کر ہوا تھا میں خاک اس گلی میں
Intikhab-e-kalaam ·
Mir Taqi Mir ·
میر تقی میر
· 6 sher
غم
Gham
حسن
Husn
سر مار کر ہوا تھا میں خاک اس گلی میں
سینے پہ مجھ کو اس کا مذکور نقش پا تھا
سو بخت تیرہ سے ہوں پامالیٔ صبا میں
اس دن کے واسطے میں کیا خاک میں ملا تھا
یہ سر گذشت میری افسانہ جو ہوئی ہے
مذکور اس کا اس کے کوچے میں جا بجا تھا
سن کر کسی سے وہ بھی کہنے لگا تھا کچھ کچھ
بے درد کتنے بولے ہاں اس کو کیا ہوا تھا
کہنے لگا کہ جانے میری بلا عزیزاں
احوال تھا کسی کا کچھ میں بھی سن لیا تھا
آنکھیں مری کھلیں جب جی میر کا گیا تب
دیکھے سے اس کو ورنہ میرا بھی جی جلا تھا
Mir Taqi Mir ka aur kalaam
Koi aur sher