رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
صدقے ان کی زلف کے میری پریشانی ہوئی
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
صدقے ان کی زلف کے میری پریشانی ہوئی
میں تو دیوانہ تھا یہ بھی آج دیوانی ہوئی
ان کے آنچل میں ادا بن کر قیامت چھپ چکی
وہ مری جانی ہوئی وہ میری پہچانی ہوئی
کس کے جلوے نے نگاہ شوق پر ڈالا اثر
طور کے دامن میں اچھی برق جولانی ہوئی
اب جو کھل کھیلیں یہ جوبن کوئی اس کو کیا کرے
پردے پردے میں بہت ان کی نگہبانی ہوئی
مانتے ہیں وہ مجھے یہ غیر کو تسلیم ہے
مان لیتے ہیں مری یہ بات ہے مانی ہوئی
غیر ہی کے ہو رہیں اب کیا رفو کرتے ہیں وہ
چاک دامانی سے ان کی چاک دامانی ہوئی
Riyaz Khairabadi ka aur kalaam
Koi aur sher