رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
اڑانے پھول حسیں آئے ہیں بہار میں کیا
Intikhab-e-kalaam ·
Riyaz Khairabadi ·
ریاض خیرآبادی
· 6 sher
بہار
Bahar
رات
Raat
انتظار
Intezar
اڑانے پھول حسیں آئے ہیں بہار میں کیا
لگی ہے آگ سی یہ آج لالہ زار میں کیا
کسی سے کہنے یہ آئے ہیں وہ سحر ہوتے
تمام رات کٹی میرے انتظار میں کیا
تمہارے خال کا بوسہ نہیں ہے گنتی میں
ذرا سی چیز ہے آئے گی یہ شمار میں کیا
اتار لی سر بازار جس نے رخ سے نقاب
حجاب آئے اسے سو میں کیا ہزار میں کیا
یہ سرمہ چشم عدو کے لئے اٹھا رکھیں
وہ خاک ڈالتے ہیں چشم اعتبار میں کیا
بنائیں گے دل پر داغ جمع کر کے انہیں
چمکتے دیکھے ہیں ذرے مرے غبار میں کیا
Riyaz Khairabadi ka aur kalaam
Koi aur sher