رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
دل سے تو مرے سینے کے پھر داغ ہی اچھے
Intikhab-e-kalaam ·
Riyaz Khairabadi ·
ریاض خیرآبادی
· 6 sher
موت
Maut
یاد
Yaad
بہار
Bahar
دل سے تو مرے سینے کے پھر داغ ہی اچھے
کم بخت ابھارے سے ابھرتا ہی نہیں ہے
سب بھول گئے اس کو ترے عہد ستم میں
اب شکوۂ گردوں کوئی کرتا ہی نہیں ہے
جو جانتے ہیں بڑھ کے نشیمن سے قفس کو
پر ایسوں کے صیاد کترتا ہی نہیں ہے
کیا چیز ہے اے بادہ کشو موسم گل بھی
اس دور میں توبہ کوئی کرتا ہی نہیں ہے
اپنے ستم و جور اسے لاکھ سکھاؤ
درباں سے تمہارے کوئی ڈرتا ہی نہیں ہے
یوں پسنے کو دل لاکھ پسیں برگ حنا پر
وہ ہاتھ کبھی خون میں بھرتا ہی نہیں ہے
Riyaz Khairabadi ka aur kalaam
Koi aur sher