رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
دشمن کی طرف ہو کے نکلنے نہیں دیتے
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
انتظار
Intezar
امید
Umeed
دشمن کی طرف ہو کے نکلنے نہیں دیتے
ہم کو وہ بری راہ بھی چلنے نہیں دیتے
آنکھیں ہمیں تلووں سے وہ ملنے نہیں دیتے
ہم چٹکیوں سے دل کو مسلنے نہیں دیتے
کہتے ہیں مئے ناب حسینوں کا ہے جوبن
ہم بزم میں اپنی اسے ڈھلنے نہیں دیتے
وہ کیا لحد غیر کو پامال کریں گے
چلتے ہوئے فقرے بھی تو چلنے نہیں دیتے
جلتا ہوں بچاتے ہیں اسے سوز دروں سے
دشمن کو مری آگ میں جلنے نہیں دیتے
نازک ہے مرے نخل تمنا کی ہر اک شاخ
اس خوف سے وہ پھولنے پھلنے نہیں دیتے
Riyaz Khairabadi ka aur kalaam
Koi aur sher