رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Haidar Ali Atish
›
Intikhab-e-kalaam
بلبل کو خار خار دبستاں ہے ان دنوں
Intikhab-e-kalaam ·
Haidar Ali Atish ·
حیدر علی آتش
· 6 sher
بہار
Bahar
عشق
Ishq
دنیا
Duniya
بلبل کو خار خار دبستاں ہے ان دنوں
ہر طفل کی بغل میں گلستاں ہے ان دنوں
زنار عشق بت میں رگ جاں ہے ان دنوں
ناقوس برہمن دل نالاں ہے ان دنوں
آباد میرا خانۂ ویراں ہے ان دنوں
سیلاب مجھ غریب کا مہماں ہے ان دنوں
دامن ہے اپنے ہاتھ میں اک رشک ماہ کا
پیش نظر ہلال گریباں ہے ان دنوں
باغ جہاں میں جو ہے گرفتار ہے ترا
آزاد ایک سرو گلستاں ہے ان دنوں
کہتے ہیں ہم زمین میں مجنوں کی اب غزل
ہر بیت اپنی خانۂ زنداں ہے ان دنوں
Haidar Ali Atish ka aur kalaam
Koi aur sher