رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
شب کہ وہ مجلس فروز خلوت ناموس تھا
Ghazal ·
Mirza Ghalib ·
مرزا غالب
· 7 sher
عشق
Ishq
امید
Umeed
غم
Gham
شب کہ وہ مجلس فروز خلوت ناموس تھا
رشتۂ ہر شمع خار کسوت فانوس تھا
مشہد عاشق سے کوسوں تک جو اگتی ہے حنا
کس قدر یارب ہلاک حسرت پا بوس تھا
حاصل الفت نہ دیکھا جز شکست آرزو
دل بہ دل پیوستہ گویا یک لب افسوس تھا
کیا کہوں بیماریٔ غم کی فراغت کا بیاں
جو کہ کھایا خون دل بے منت کیموس تھا
بت پرستی ہے بہار نقش بند یہائے دہر
ہر صریر خامہ میں یک نالۂ ناقوس تھا
طبع کی واشد نے رنگ یک گلستاں گل کیا
یہ دل وابستہ گویا بیضۂ طاؤس تھا
کل اسد کو ہم نے دیکھا گوشۂ غم خانہ میں
دست برسر سر بزانوئے دل مایوس تھا
Mirza Ghalib ka aur kalaam
Koi aur sher