رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
مانع دشت نوردی کوئی تدبیر نہیں
Ghazal ·
Mirza Ghalib ·
مرزا غالب
· 10 sher
دنیا
Duniya
غم
Gham
بہار
Bahar
مانع دشت نوردی کوئی تدبیر نہیں
ایک چکر ہے مرے پاؤں میں زنجیر نہیں
شوق اس دشت میں دوڑائے ہے مجھ کو، کہ جہاں
جادہ غیر از نگہ دیدۂ تصویر نہیں
حسرت لذت آزار رہی جاتی ہے
جادۂ راہ وفا جز دم شمشیر نہیں
رنج نومیدیٔ جاوید گوارا رہیو
خوش ہوں گر نالہ زبونی کش تاثیر نہیں
سر کھجاتا ہے جہاں زخم سر اچھا ہو جائے
لذت سنگ بہ اندازۂ تقریر نہیں
جب کرم رخصت بے باکی و گستاخی دے
کوئی تقصیر بہ جز خجلت تقصیر نہیں
اشعار آئینہ دام کو سبزے سبزے میں چھپاتا ہے عبث
کہ پری زاد نظر قابل تسخیر نہیں
مثل گل زخم ہے میرا بھی سناں سے توام
تیرا ترکش ہی کچھ آبستن تیر نہیں
میر کے شعر کا احوال کہوں کیا غالب
جس کا دیوان کم از گلشن کشمیر نہیں
غالب اپنا یہ عقیدہ ہے بقول ناسخ مصرع
"آپ بے بہرہ ہے جو معتقد میر نہیں"
Mirza Ghalib ka aur kalaam
Koi aur sher