رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
بس کہ ہیں بد مست بشکن بشکن مے خانہ ہم
Ghazal ·
Mirza Ghalib ·
مرزا غالب
· 14 sher
رات
Raat
تنہائی
Tanhai
حسن
Husn
بس کہ ہیں بد مست بشکن بشکن مے خانہ ہم
موئے شیشہ کو سمجھتے ہیں خط پیمانہ ہم
شعر نقش بند خاک ہے موج از فروغ ماہتاب
سیل سے فرش کتاں کرتے ہیں تا ویرانہ ہم
بس کہ ہر یک موئے زلف افشاں سے ہے تار شعاع
پنجۂ خرشید کو سمجھے ہیں دست شانہ ہم
ہے فروغ ماہ سے ہر موج، اک تصویر خاک
سیل سے، فرش کتاں کرتے ہیں تا ویرانہ ہم
مشق از خود رفتگی سے ہیں بہ گل زار خیال
آشنا تعبیر خواب سبزۂ بیگانہ ہم
فرط بے خوابی سے ہیں شب ہائے ہجر یار میں
جوں زبان شمع، داغ گرمیٔ افسانہ ہم
جانتے ہیں، جوشش سودائے زلف یار میں
سنبل بالیدہ کو موئے سر دیوانہ ہم
بس کہ وہ چشم و چراغ محفل اغیار ہے
چپکے چپکے جلتے ہیں، جوں شمع ماتم خانہ ہم
شام غم میں سوز عشق آتش رخسار سے
پر فشان سوختن ہیں، صورت پروانہ ہم
اشعار غم نہیں ہوتا ہے آزادوں کو بیش از یک نفس
برق سے کرتے ہیں روشن، شمع ماتم خانہ ہم
محفلیں برہم کرے ہے گنجفہ باز خیال
ہیں ورق گردانیٔ نیرنگ یک بت خانہ ہم
با وجود یک جہاں ہنگامہ پیرا ہی نہیں
ہیں "چراغان شبستان دل پروانہ" ہم
ضعف سے ہے، نے قناعت سے یہ ترک جستجو
ہیں "وبال تکیہ گاہ ہمت مردانہ" ہم
شعر-۲ دائم الحبس اس میں ہیں لاکھوں تمنائیں اسد
جانتے ہیں سینۂ پر خوں کو زنداں خانہ ہم
Mirza Ghalib ka aur kalaam
Koi aur sher