رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
اشعار حسد سے دل اگر افسردہ ہے، گرم تماشا ہو
Ghazal ·
Mirza Ghalib ·
مرزا غالب
· 9 sher
غم
Gham
امید
Umeed
حسن
Husn
اشعار حسد سے دل اگر افسردہ ہے، گرم تماشا ہو
کہ چشم تنگ شاید کثرت نظارہ سے وا ہو
بہ قدر حسرت دل چاہیے ذوق معاصی بھی
بھروں یک گوشۂ دامن گر آب ہفت دریا ہو
اگر وہ سرو قد گرم خرام ناز آ جاوے
کف ہر خاک گلشن، شکل قمری، نالہ فرسا ہو
بہم بالیدن سنگ و گل صحرا یہ چاہے ہے
کہ تار جادہ بھی کہسار کو زنار مینا ہو
حریف وحشت ناز نسیم عشق جب آؤں
کہ مثل غنچہ، ساز یک گلستاں دل مہیا ہو
بجائے دانہ خرمن یک بیابان بیضۂ قمری
مرا حاصل وہ نسخہ ہے کہ جس سے خاک پیدا ہو
کرے کیا ساز بینش وہ شہید درد آگاہی
جسے موئے دماغ بے خودی، خواب زلیخا ہو
دل چوں شمع، بہر دعوت نظارہ لا، جس سے
نگہ لب ریز اشک و سینہ معمور تمنا ہو
نہ دیکھیں روئے یک دل سر د، غیر از شمع کافوری
خدایا، اس قدر بزم اسد گرم تماشا ہو
Mirza Ghalib ka aur kalaam
Koi aur sher