رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
ہر قدم دوریٔ منزل ہے نمایاں مجھ سے
Ghazal ·
Mirza Ghalib ·
مرزا غالب
· 10 sher
رات
Raat
خودی
Khudi
حسن
Husn
ہر قدم دوریٔ منزل ہے نمایاں مجھ سے
میری میری رفتار سے بھاگے ہے، بیاباں مجھ سے
درس عنوان تماشا، بہ تغافل خوشتر
ہے نگہ رشتۂ شیرازۂ مژگاں مجھ سے
وحشت آتش دل سے، شب تنہائی میں
صورت دود، رہا سایہ گریزاں مجھ سے
غم عشاق نہ ہو، سادگی آموز بتاں
کس قدر خانۂ آئینہ ہے ویراں مجھ سے
اثر آبلہ سے، جادۂ صحرائے جنوں
صورت رشتۂ گوہر ہے چراغاں مجھ سے
بے خودی بستر تمہید فراغت ہوجو! ہوجو
پر ہے سایے کی طرح، میرا شبستاں مجھ سے
شوق دیدار میں، گر تو مجھے گردن مارے
ہو نگہ، مثل گل شمع، پریشاں مجھ سے
بے کسی ہائے شب ہجر کی وحشت، ہے ہے!
سایہ خورشید قیامت میں ہے پنہاں مجھ سے
گردش ساغر صد جلوۂ رنگیں، تجھ سے
آئینہ داریٔ یک دیدۂ حیراں، مجھ سے
نگہ گرم سے ایک آگ ٹپکتی ہے، اسد!
ہے چراغاں، خس و خاشاک گلستاں مجھ سے
Mirza Ghalib ka aur kalaam
Koi aur sher