رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
شفق بدعویٔ عاشق گواہ رنگیں ہے
Ghazal ·
Mirza Ghalib ·
مرزا غالب
· 9 sher
حسن
Husn
بہار
Bahar
امید
Umeed
شفق بدعویٔ عاشق گواہ رنگیں ہے
کہ ماہ دزد حنائے کف نگاریں ہے
اشعار کرے ہے بادہ، ترے لب سے، کسب رنگ فروغ
خط پیالہ، سراسر نگاہ گل چیں ہے
کبھی تو اس سر سر شوریدہ کی بھی داد ملے!
کہ ایک عمر سے حسرت پرست بالیں ہے
بجا ہے، گر نہ سنے، نالہ ہائے بلبل زار
کہ گوش گل، نم شبنم سے پنبہ آگیں ہے
عیاں ہے پائے حنائی بہ رنگ پرتو خورشید
رکاب روزن دیوار خانۂ زیں ہے
جبین صبح، امید فسانہ گویاں پر
درازیٔ رگ خواب بتاں خط چیں ہے
ہوا نشان سواد دیار حسن عیاں
کہ خط غبار زمیں خیز زلف مشکیں ہے
مقطع نہ پوچھ کچھ سر و سامان و کار و بار اسد
جنوں معاملہ، بے دل، فقیر مسکیں ہے
اسد ہے نزع میں، چل بے وفا! برائے خدا!
مقام ترک حجاب و وداع تمکیں ہے
Mirza Ghalib ka aur kalaam
Koi aur sher