رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
شوخیٔ مضراب جولاں، آبیار نغمہ ہے
Ghazal ·
Mirza Ghalib ·
مرزا غالب
· 8 sher
بہار
Bahar
مے
Mai-kada
دوستی
Dosti
شوخیٔ مضراب جولاں، آبیار نغمہ ہے
برگ ریز ناخن مطرب، بہار نغمہ ہے
اشعار نشہہا شاداب رنگ و سازہا مست طرب
شیشۂ مے سرو سبز جوئبار نغمہ ہے
ہم نشیں مت کہہ کہ برہم کر نہ بزم عیش دوست
واں تو میرے نالے کو بھی اعتبار نغمہ ہے
کس سے، اے غفلت، تجھے تعبیر آگاہی ملے؟
گوش ہا سیمابی و دل بے قرار نغمہ ہے
ساز عیش بے دلی ہے، خانہ ویرانی، مجھے
سیل، یاں کوک صدائے آبشار نغمہ ہے
سنبلی خواں ہے، بہ ذوق تار گیسوئے دراز
نالۂ زنجیر مجنوں، رشتہ دار نغمہ ہے
شوخیٔ فریاد سے ہے پردۂ زنبور، گل
کسوت ایجاد بلبل، خار خار نغمہ ہے
غفلت استعداد ذوق، و مدعا غافل اسد
پنبۂ گوش حریفاں، پود و تار نغمہ ہے
Mirza Ghalib ka aur kalaam
Koi aur sher