رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
سر گشتگی میں عالم ہستی سے یاس ہے
Ghazal ·
Mirza Ghalib ·
مرزا غالب
· 7 sher
موت
Maut
غم
Gham
حسن
Husn
سر گشتگی میں عالم ہستی سے یاس ہے
تسکیں کو دے نوید کہ مرنے کی آس ہے مصرع
لیتا نہیں مرے دل آوارہ کی خبر
اب تک وہ جانتا ہے کہ میرے ہی پاس ہے
کیجے بیاں سرور تب غم کہاں تلک
ہر مو مرے بدن پہ زبان سپاس ہے
ہے وہ غرور حسن سے بیگانۂ وفا
ہرچند اس کے پاس دل حق شناس ہے
پی جس قدر ملے شب مہتاب میں شراب
اس بلغمی مزاج کو گرمی ہی راس ہے
شعر کیا غم ہے اس کو، جس کا علی سا امام ہو
اتنا بھی اے فلک زدہ، کیوں بے حواس ہے
ہر اک مکان کو ہے مکیں سے شرف اسد
مجنوں جو مر گیا ہے تو جنگل اداس ہے
Mirza Ghalib ka aur kalaam
Koi aur sher