رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
بہار تعزیت آباد عشق، ماتم ہے
Ghazal ·
Mirza Ghalib ·
مرزا غالب
· 7 sher
حسن
Husn
عشق
Ishq
بہار
Bahar
بہار تعزیت آباد عشق، ماتم ہے
کہ تیغ یار، ہلال مہ محرم ہے
اشعار نہ پوچھ نسخۂ مرہم جراحت دل کا
کہ اس میں ریزۂ الماس جزو اعظم ہے
بہت دنوں میں تغافل نے تیرے پیدا کی
وہ اک نگہ کہ، بظاہر نگاہ سے کم ہے
بہ رہن ضبط ہے، آئینہ بندیٔ گوہر
وگرنہ بحر میں ہر قطرہ چشم پر نم ہے
چمن میں کون ہے طرز آفرین شیوۂ عشق؟
کہ گل ہے بلبل رنگین و بیضہ شبنم ہے
اگر نہ ہو وے رگ خواب صرف شیرازہ
تمام دفتر ربط مزاج، درہم ہے
اسد بہ نازکیٔ طبع آرزو انصاف!
کہ ایک وہم ضعیف و غم دو عالم ہے
Mirza Ghalib ka aur kalaam
Koi aur sher