رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
تشنۂ خون تماشا جو وہ پانی مانگے
Ghazal ·
Mirza Ghalib ·
مرزا غالب
· 11 sher
حسن
Husn
غم
Gham
امید
Umeed
تشنۂ خون تماشا جو وہ پانی مانگے
آئنیہ، رخصت انداز روانی مانگے
اشعار نقش ناز بت طناز بہ آغوش رقیب
پائے طاؤس پئے خامۂ مانی مانگے
تو وہ بد خو کہ تحیر کو تماشا جانے
غم وہ افسانہ کہ آشفتہ بیانی مانگے
وہ تب تب عشق تمنا ہے کہ پھر صورت شمع
شعلہ تا نبض جگر ریشہ دوانی مانگے
رنگ نے گل سے دم عرض پریشانیٔ بزم
برگ گل، ریزۂ مینا کی نشانی مانگے
زلف تحریر پریشان تقاضا ہے، مگر
شانہ ساں، مو بہ زباں خامۂ مانی مانگے
آمد خط ہے، نہ کر خندۂ شیریں کہ، مباد!
چشم مور، آئینۂ دل نگرانی مانگے
ہوں گرفتار کمیں گاہ تغافل کہ جہاں
خواب صیاد سے، پرواز، گرانی مانگے
چشم پرواز و نفس خفتہ، مگر ضعف امید
شہپر کاہ، پئے مژدہ رسانی مانگے
وحشت شور تماشا ہے کہ جوں نکہت گل
نمک زخم جگر بال فشانی مانگے
گر ملے حضرت بیدل کا خط لوح مزار
اسد، آئینۂ پرداز معانی مانگے
Mirza Ghalib ka aur kalaam
Koi aur sher