رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
رخ نگار سے ہے سوز جاودانیٔ شمع
Ghazal ·
Mirza Ghalib ·
مرزا غالب
· 7 sher
رات
Raat
حسن
Husn
بہار
Bahar
رخ نگار سے ہے سوز جاودانیٔ شمع
ہوئی ہے آتش گل آب زندگانیٔ شمع
زبان اہل زباں میں ہے مرگ خاموشی
یہ بات بزم میں روشن ہوئی زبانیٔ شمع
کرے ہے صرف بہ ایمائے شعلہ قصہ تمام
بہ طرز اہل فنا ہے فسانہ خوانیٔ شمع
غم اس کو حسرت پروانہ کا ہے اے شعلہ شعلہ
ترے لرزنے سے ظاہر ہے ناتوانیٔ شمع
ترے خیال سے روح اہتزاز کرتی ہے
بہ جلوہ ریزیٔ باد و بہ پرفشانیٔ شمع
نشاط داغ غم عشق کی بہار نہ پوچھ
شگفتگی ہے شہید گل خزانیٔ شمع
جلے ہے، دیکھ کے بالین یار پر مجھ کو
نہ کیوں ہو دل پہ مرے داغ بدگمانیٔ شمع
Mirza Ghalib ka aur kalaam
Koi aur sher