رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
بے گانۂ وفا ہے ہوائے چمن ہنوز
Ghazal ·
Mirza Ghalib ·
مرزا غالب
· 8 sher
حسن
Husn
وفا
Wafa
بہار
Bahar
بے گانۂ وفا ہے ہوائے چمن ہنوز
وہ سبزہ سنگ پر نہ اگا، کوہ کن ہنوز
اشعار فارغ مجھے نہ جان کہ مانند صبح و مہر
ہے داغ عشق، زینت جیب کفن ہنوز
ہے ناز مفلساں "زر از دست رفتہ" پر
ہوں "گل فروش شوخیٔ داغ کہن" ہنوز
مے خانۂ جگر میں یہاں خاک بھی نہیں
خمیازہ کھینچے ہے بت بیداد فن ہنوز
یا رب! یہ درد مند ہے کس کی نگاہ کا!
ہے ربط مشک و داغ سواد ختن ہنوز
جوں جادہ، سر بہ کوئے تمنائے بے دلی
زنجیر پا ہے رشتۂ حب الوطن ہنوز
میں دور گرد قرب بساط نگاہ تھا
بیرون دل نہ تھی تپش انجمن ہنوز
تھا مجھ کو خار خار جنون وفا اسد
سوزن میں تھا نہفتہ گل پیرہن ہنوز
Mirza Ghalib ka aur kalaam
Koi aur sher