رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
جاتا ہوں جدھر سب کی اٹھے ہے ادھر انگشت
Ghazal ·
Mirza Ghalib ·
مرزا غالب
· 10 sher
دنیا
Duniya
بہار
Bahar
غم
Gham
جاتا ہوں جدھر سب کی اٹھے ہے ادھر انگشت
یک دست جہاں مجھ سے پھرا ہے، مگر انگشت
الفت مژگاں میں جو انگشت نما ہوں
لگتی ہے مجھے تیر کے مانند، ہر انگشت
ہر غنچۂ گل صورت یک قطرۂ خوں ہے
دیکھا ہے کسو کا جو حنا بستہ، سر انگشت
گرمی ہے زباں کی سبب سوختن جاں
ہر شمع شہادت کو ہے یاں سر بسر انگشت
خوں دل میں جو میرے نہیں باقی تو پھر اس کی
جوں ماہیٔ بے آب تڑپتی ہے ہر انگشت
شوخی تری کہہ دیتی ہے احوال ہمارا
راز دل صد پارہ کی ہے پردہ در انگشت
بس رتبے میں باریکی و نرمی ہے کہ جوں گل
آتی نہیں پنجے میں بس اس کے نظر انگشت
اشعار افسوس کہ دنداں دنداں کا کیا رزق فلک نے
جن لوگوں کی تھی درخور عقد گہر انگشت
کافی ہے نشانی تری تری، چھلے کا نہ دینا
خالی مجھے دکھلا کے بہ وقت سفر انگشت
لکھتا ہوں اسد سوزش دل سے سخن گرم
تا رکھ نہ سکے کوئی مرے حرف پر انگشت
Mirza Ghalib ka aur kalaam
Koi aur sher