رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
سیر آں سوئے تماشا ہے طلب گاروں کا
Ghazal ·
Mirza Ghalib ·
مرزا غالب
· 8 sher
حسن
Husn
بہار
Bahar
مے
Mai-kada
سیر آں سوئے تماشا ہے طلب گاروں کا
خضر مشتاق ہے اس دشت کے آواروں کا
سر خط بند ہوا، نامہ گنہ گاروں کا
خون ہدہد سے لکھا نقش گرفتاروں کا
فرد آئینہ میں بخشیں شکن خندۂ گل
دل آزردہ پسند، آئینہ رخساروں کا
داد خواہ تپش و مہر خموشی بر لب
کاغذ سرمہ ہے، جامہ ترے بیماروں کا
وحشت نالہ بہ واماندگیٔ وحشت ہے
جرس قافلہ، یاں دل ہے گراں باروں کا
پھر وہ سوئے چمن آتا ہے خدا خیر کرے
رنگ اڑتا ہے گلستاں کے ہوا داروں کا
جلوہ مایوس نہیں دل، نگرانی غافل
چشم امید ہے، روزن تری دیواروں کا
اسد، اے ہرزہ درا! نالہ بہ غوغا تا چند
حوصلہ تنگ نہ کر، بے سبب آزاروں کا
Mirza Ghalib ka aur kalaam
Koi aur sher