رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
دل میرا سوز نہاں سے بے محابا جل گیا
Ghazal ·
Mirza Ghalib ·
مرزا غالب
· 10 sher
بہار
Bahar
غم
Gham
رات
Raat
دل میرا سوز نہاں سے بے محابا جل گیا
آتش خاموش کی مانند، گویا جل گیا
دل میں ذوق وصل و یاد یار تک باقی نہیں
آگ اس گھر میں لگی ایسی کہ جو تھا جل گیا
میں عدم سے بھی پرے ہوں، ورنہ غافل! بارہا
میری آہ آتشیں سے بال عنقا جل گیا
عرض کیجے جوہر اندیشہ کی گرمی کہاں؟
کچھ خیال آیا تھا وحشت کا، کہ صحرا جل گیا
دل نہیں، تجھ کو دکھاتا ورنہ، داغوں کی بہار
اس چراغاں کا کروں کیا، کارفرما جل گیا
دود میرا سنبلستاں سے کرے ہے ہمسری
بس کہ ذوق آتش گل سے سراپا جل گیا
شمع رویوں کی سر انگشت حنائی دیکھ کر
غنچۂ گل پر فشاں، پروانہ آسا، جل گیا
خانمان عاشقاں دکان آتش باز ہے
شعلہ رو جب ہو گئے گرم تماشا، جل گیا شعلہ-رو
تا کجا افسوس گرمی ہائے صحبت، اے خیال
دل بہ سوز آتش داغ تمنا جل گیا دل-بہ
میں ہوں اور افسردگی کی آرزو، غالب! کہ دل
دیکھ کر طرز تپاک اہل دنیا جل گیا
Mirza Ghalib ka aur kalaam
Koi aur sher