رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
وہ میری چین جبیں سے غم پنہاں سمجھا
Ghazal ·
Mirza Ghalib ·
مرزا غالب
· 9 sher
حسن
Husn
عشق
Ishq
غم
Gham
وہ میری چین جبیں سے غم پنہاں سمجھا
راز مکتوب بہ بے ربطیٔ عنواں سمجھا
یک الف بیش نہیں صقیل آئینہ ہنوز
چاک کرتا ہوں میں جب سے کہ گریباں سمجھا
ہم نے وحشت کدۂ بزم جہاں میں جوں شمع
شعلۂ عشق کو اپنا سر و ساماں سمجھا
شرح اسباب گرفتاریٔ خاطر مت پوچھ
اس قدر تنگ ہوا دل، کہ میں زنداں سمجھا
بدگمانی نے نہ چاہا اسے سرگرم خرام
رخ پہ ہر قطرۂ عرق دیدۂ حیراں سمجھا
عجزسے اپنے یہ جانا کہ وہ بد خو ہو گا
نبض خس سے تپش شعلۂ سوزاں سمجھا
سفر عشق میں، کی ضعف نے راحت طلبی
ہر قدم سائے کو میں اپنے شبستان سمجھا
تھا گریزاں مژۂ یار سے دل تا دم مرگ
دفع پیکان قضا اس قدر آساں سمجھا
دل دیا، جان کے کیوں اس کو وفا دار، اسد
غلطی کی کہ جو کافر کو مسلماں سمجھا
Mirza Ghalib ka aur kalaam
Koi aur sher