رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
خود پرستی سے رہے باہم دگر نا آشنا
Ghazal ·
Mirza Ghalib ·
مرزا غالب
· 11 sher
حسن
Husn
مے
Mai-kada
شکوہ
Shikwa
خود پرستی سے رہے باہم دگر نا آشنا
بے کسی میری شریک، آئینہ تیرا آشنا
آتش موئے دماغ شوق ہے تیرا تپاک
ورنہ ہم کس کے ہیں اے داغ تمنا، آشنا
جوہر آئینہ جز رمز سر مژگاں نہیں
آشنائی آشنائی ہم دگر سمجھے ہے ایما آشنا
ربط یک شیرازۂ وحشت ہیں اجزائے بہار
سبزہ بیگانہ، صبا آوارہ، گل نا آشنا
رشک کہتا ہے کہ اس کا غیر سے اخلاص حیف!
عقل کہتی ہے کہ وہ بے مہر کس کا آشنا
شعر بے دماغی شکوہ سنج رشک ہم دیگر نہیں
یار تیرا جام مے، خمیازہ میرا آشنا
ذرہ ذرہ ساغر مے خانۂ نیرنگ ہے
گردش مجنوں بہ چشمکہائے لیلی آشنا
شوق ہے "ساماں طراز نازش ارباب عجز"
ذرہ صحرا دست گاہ و قطرہ دریا آشنا
میں اور ایک آفت کا ٹکڑا وہ دل وحشی، "کہ ہے
عافیت کا دشمن اور آوارگی کا آشنا"
شکوہ سنج رشک ہم دیگر نہ رہنا چاہیے
میرا زانو مونس اور آئینہ تیرا آشنا
کوہ کن "نقاش یک تمثال شیریں" تھا اسد
سنگ سے سر مار کر ہووے نہ پیدا آشنا
Mirza Ghalib ka aur kalaam
Koi aur sher