رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Ghazal
کس کا جنون دید تمنا شکار تھا؟
Ghazal ·
Mirza Ghalib ·
مرزا غالب
· 10 sher
امید
Umeed
حسن
Husn
غم
Gham
کس کا جنون دید تمنا شکار تھا؟
آئینہ خانہ وادیٔ جوہر غبار تھا
کس کا خیال آئینۂ انتظار تھا
ہر برگ گل کے پردے میں دل بے قرار تھا
شعر جوں غنچہ و گل، آفت فال نظر نہ پوچھ
پیکاں سے تیرے، جلوۂ زخم، آشکار تھا
ایک ایک قطرے کا مجھے دینا پڑا حساب
خون جگر ودیعت مژگان یار تھا
اب میں ہوں اور ماتم یک شہر آرزو
توڑا جو تو نے آئینہ، تمثال دار تھا
شعر-۲ دیکھی وفائے فرصت رنج و نشاط دہر
خمیازہ، یک درازیٔ عمر خمار تھا
گلیوں میں میری نعش کو کھینچے پھرو، کہ میں
جاں دادۂ ہوائے سر رہ گزار تھا
موج سراب دشت وفا کا نہ پوچھ حال
ہر ذرہ، مثل جوہر تیغ، آب دار تھا
کم جانتے تھے ہم بھی غم عشق کو، پر اب
دیکھا تو کم ہوئے پہ غم روزگار تھا
شعر-۳ صبح قیامت ایک دم گرگ تھی، اسد
جس دشت میں وہ شوخ دو عالم شکار تھا
Mirza Ghalib ka aur kalaam
Koi aur sher