رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Intikhab-e-kalaam
تکلف بر طرف ہے جاں ستاں تر لطف بد خویاں
Intikhab-e-kalaam ·
Mirza Ghalib ·
مرزا غالب
· 6 sher
غم
Gham
رات
Raat
حسن
Husn
تکلف بر طرف ہے جاں ستاں تر لطف بد خویاں
نگاہ بے حجاب ناز تیغ تیز عریاں ہے
ہوئی یہ کثرت غم سے تلف کیفیت شادی
کہ صبح عید مجھ کو بد تر از چاک گریباں ہے
دل و دیں نقد لا ساقی سے گر سودا کیا چاہے
کہ اس بازار میں ساغر متاع دست گرداں ہے
غم آغوش بلا میں پرورش دیتا ہے عاشق کو
چراغ روشن اپنا قلزم صرصر کا مرجاں ہے
تکلف ساز رسوائی ہے غافل شرم رعنائی
دل خوں گشتہ در دست حنا آلودہ عریاں ہے
اسد جمعیت دل در کنار بے خودی خوش تر
دو عالم آگہی سامان یک خواب پریشاں ہے
Mirza Ghalib ka aur kalaam
Koi aur sher