رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Intikhab-e-kalaam
اگر وہ سرو قد گرم خرام ناز آ جاوے
Intikhab-e-kalaam ·
Mirza Ghalib ·
مرزا غالب
· 6 sher
حسن
Husn
بہار
Bahar
غم
Gham
اگر وہ سرو قد گرم خرام ناز آ جاوے
کف ہر خاک گلشن شکل قمری نالہ فرسا ہو
بہم بالیدن سنگ و گل صحرا یہ چاہے ہے
کہ تار جادہ بھی کہسار کو زنار مینا ہو
حریف وحشت ناز نسیم عشق جب آؤں
کہ مثل غنچہ ساز یک گلستاں دل مہیا ہو
بجائے دانہ خرمن یک بیاباں بیضۂ قمری
مرا حاصل وہ نسخہ ہے کہ جس سے خاک پیدا ہو
کرے کیا ساز بینش وہ شہید درد آگاہی
جسے موئے دماغ بے خودی خواب زلیخا ہو
دل جوں شمع بہر دعوت نظارہ لایعنی
نگہ لبریز اشک و سینہ معمور تمنا ہو
Mirza Ghalib ka aur kalaam
Koi aur sher