رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Intikhab-e-kalaam
دیدہ تا دل ہے یک آئینہ چراغاں کس نے
Intikhab-e-kalaam ·
Mirza Ghalib ·
مرزا غالب
· 6 sher
حسن
Husn
رات
Raat
موت
Maut
دیدہ تا دل ہے یک آئینہ چراغاں کس نے
خلوت ناز پہ پیرایۂ محفل باندھا
ناامیدی نے بہ تقریب مضامین خمار
کوچۂ موج کو خمیازۂ ساحل باندھا
مطرب دل نے مرے تار نفس سے غالب
ساز پر رشتہ پئے نغمۂ بیدل باندھا
ناتوانی ہے تماشائی عمر رفتہ
رنگ نے آئینہ آنکھوں کے مقابل باندھا
نوک ہر خار سے تھا بسکہ سر دزدی زخم
چوں نمد ہم نے کف پا پہ اسد دل باندھا
تیرے توسن کو صبا باندھتے ہیں
ہم بھی مضموں کی ہوا باندھتے ہیں
Mirza Ghalib ka aur kalaam
Koi aur sher