رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mirza Ghalib
›
Intikhab-e-kalaam
کہیں حقیقت جاں کاہیٔ مرض لکھیے
Intikhab-e-kalaam ·
Mirza Ghalib ·
مرزا غالب
· 6 sher
شکوہ
Shikwa
عشق
Ishq
حسن
Husn
کہیں حقیقت جاں کاہیٔ مرض لکھیے
کہیں مصیبت ناسازیٔ دوا کہیے
کبھی شکایت رنج گراں نشیں کیجے
کبھی حکایت صبر گریز پا کہیے
رہے نہ جان تو قاتل کو خوں بہا دیجے
کٹے زبان تو خنجر کو مرحبا کہیے
نہیں نگار کو الفت نہ ہو نگار تو ہے
روانیٔ روش و مستیٔ ادا کہیے
نہیں بہار کو فرصت نہ ہو بہار تو ہے
طراوت چمن و خوبیٔ ہوا کہیے
سفینہ جب کہ کنارے پہ آ لگا غالب
خدا سے کیا ستم و جور ناخدا کہیے
Mirza Ghalib ka aur kalaam
Koi aur sher