رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
تقریب پر بھی تو تو پہلو تہی کرے ہے
Intikhab-e-kalaam ·
Mir Taqi Mir ·
میر تقی میر
· 6 sher
شکوہ
Shikwa
حسن
Husn
بہار
Bahar
تقریب پر بھی تو تو پہلو تہی کرے ہے
دس بار عید آئی کب کب گلے ملا تو
تیرے دہن سے اس کو نسبت ہو کچھ تو کہیے
گل گو کرے ہے دعوی خاطر میں کچھ نہ لا تو
دل کیونکے راست آوے دعواے آشنائی
دریائے حسن وہ مہ کشتی بکف گدا تو
ہر فرد یاس ابھی سے دفتر ہے تجھ گلے کا
ہے قہر جب کہ ہوگا حرفوں سے آشنا تو
عالم ہے شوق کشتۂ خلقت ہے تیری رفتہ
جانوں کی آرزو تو آنکھوں کا مدعا تو
منہ کریے جس طرف کو سو ہی تری طرف ہے
پر کچھ نہیں ہے پیدا کیدھر ہے اے خدا تو
Mir Taqi Mir ka aur kalaam
Koi aur sher