رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
نہ سی چشم طمع خوان فلک پر خام دستی سے
Intikhab-e-kalaam ·
Mir Taqi Mir ·
میر تقی میر
· 6 sher
مے
Mai-kada
رات
Raat
غم
Gham
نہ سی چشم طمع خوان فلک پر خام دستی سے
کہ جام خون دے ہے ہر سحر یہ اپنے مہماں کو
زبس صرف جنوں میرے ہوا آہن عجب مت کر
نہ ہو گر حلقۂ در خانۂ زنجیر سازاں کو
بنے نا واقف شادی اگر ہم بزم عشرت میں
دہان زخم دل سمجھے جو دیکھا روئے خنداں کو
نہیں ریگ رواں مجنوں کے دل کی بے قراری نے
کیا ہے مضطرب ہر ذرۂ گرد بیاباں کو
کسی کے واسطے رسوائے عالم ہو پہ جی میں رکھ
کہ مارا جائے جو ظاہر کرے اس راز پنہاں کو
گری پڑتی ہے بجلی ہی تبھی سے خرمن گل پر
ٹک اک ہنس میرے رونے پر کہ دیکھے تیرے دنداں کو
Mir Taqi Mir ka aur kalaam
Koi aur sher