رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
گلا نہیں ہے ہمیں اپنی جاں گدازی کا
Intikhab-e-kalaam ·
Mir Taqi Mir ·
میر تقی میر
· 6 sher
غم
Gham
دنیا
Duniya
حسن
Husn
گلا نہیں ہے ہمیں اپنی جاں گدازی کا
جگر پہ زخم ہے اس کی زباں درازی کا
سمند ناز نے اس کے جہاں کیا پامال
وہی ہے اب بھی اسے شوق ترک تازی کا
ستم ہیں قہر ہیں لونڈے شراب خانے کے
اتار لیتے ہیں عمامہ ہر نمازی کا
الٹ پلٹ مری آہ سحر کی کیا ہے کم
اگر خیال تمہیں ہووے نیزہ بازی کا
بتاؤ ہم سے کوئی آن تم سے کیا بگڑی
نہیں ہے تم کو سلیقہ زمانہ سازی کا
خدا کو کام تو سونپے ہیں میں نے سب لیکن
رہے ہے خوف مجھے واں کی بے نیازی کا
Mir Taqi Mir ka aur kalaam
Koi aur sher