رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
پنجۂ گل کی طرح دیوانگی میں ہاتھ کو
Intikhab-e-kalaam ·
Mir Taqi Mir ·
میر تقی میر
· 6 sher
بہار
Bahar
عشق
Ishq
دوستی
Dosti
پنجۂ گل کی طرح دیوانگی میں ہاتھ کو
گر نکالا میں گریباں سے تو دامن میں رہا
شمع ساں جلتے رہے لیکن نہ توڑا یار سے
رشتۂ الفت تمامی عمر گردن میں رہا
ڈر سے اس شمشیر زن کے جوہر آئینہ ساں
سر سے لے کر پاؤں تک میں غرق آہن میں رہا
ہم نہ کہتے تھے کہ مت دیر و حرم کی راہ چل
اب یہ دعوی حشر تک شیخ و برہمن میں رہا
درپئے دل ہی رہے اس چہرے کے خال سیاہ
ڈر ہمیں ان چونٹوں کا روز روشن میں رہا
آہ کس انداز سے گزرا بیاباں سے کہ میر
جی ہر اک نخچیر کا اس صید افگن میں رہا
Mir Taqi Mir ka aur kalaam
Koi aur sher