رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Mir Taqi Mir
›
Intikhab-e-kalaam
بے ستوں کھودے سے کیا آخر ہوئے سب کار عشق
Intikhab-e-kalaam ·
Mir Taqi Mir ·
میر تقی میر
· 6 sher
عشق
Ishq
غم
Gham
انتظار
Intezar
بے ستوں کھودے سے کیا آخر ہوئے سب کار عشق
بعد ازاں اے کوہ کن سر ہے ترا اور سنگ ہے
آہ ان خوش قامتوں کو کیونکے بر میں لائیے
جن کے ہاتھوں سے قیامت پر بھی عرصۂ تنگ ہے
عشق میں وہ گھر ہے اپنا جس میں سے مجنوں یہ ایک
نا خلف سارے قبیلے کا ہمارے ننگ ہے
چشم کم سے دیکھ مت قمری تو اس خوش قد کو ٹک
آہ بھی سرد گلستاں شکست رنگ ہے
ہم سے تو جایا نہیں جاتا کہ یکسر دل میں واں
دو قدم اس کی گلی کی راہ سو فرسنگ ہے
ایک بوسے پر تو کی ہے صلح پر اے زود رنج
تجھ کو مجھ کو اتنی اتنی بات اوپر جنگ ہے
Mir Taqi Mir ka aur kalaam
Koi aur sher