رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Nazeer Akbarabadi
›
Intikhab-e-kalaam
جو پوچھا میں کہ کہاں تھی تو ہنس کے یوں بولی
Intikhab-e-kalaam ·
Nazeer Akbarabadi ·
نظیر اکبرآبادی
· 6 sher
مے
Mai-kada
جو پوچھا میں کہ کہاں تھی تو ہنس کے یوں بولی
میں لگ رہی تھی اس انگیا موئی کے سینے میں
پڑا جو ہاتھ مرا سینے پر تو ہاتھ جھٹک
پکاری آگ لگے اوئی اس قرینے میں
جو ایسا ہی ہے تو اب ہم نہ روز آویں گے
کبھو جو آئے تو ہفتے میں یا مہینے میں
کبھو مٹک کبھو بس بس کبھو پیالہ پٹک
دماغ کرتی تھی کیا کیا شراب پینے میں
چڑھی جو دوڑ کے کوٹھے پہ وہ پری اک بار
تو میں نے جا لیا اس کو ادھر کے زینے میں
وہ پہنا کرتی تھی انگیا جو سرخ لاہی کی
لپٹ کے تن سے وہ تر ہو گئی پسینے میں
Nazeer Akbarabadi ka aur kalaam
Koi aur sher