رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Nazeer Akbarabadi
›
Intikhab-e-kalaam
کھنچی کنگھی گندھی چوٹی جمی پٹی لگا کاجل
Intikhab-e-kalaam ·
Nazeer Akbarabadi ·
نظیر اکبرآبادی
· 6 sher
حسن
Husn
بہار
Bahar
عشق
Ishq
کھنچی کنگھی گندھی چوٹی جمی پٹی لگا کاجل
کماں ابرو نظر جادو نگہ ہر اک دلاری ہے
جبیں مہتاب آنکھیں شوخ شیریں لب گہر دنداں
بدن موتی دہن غنچہ ادا ہنسنے کی پیاری ہے
نیا کم خواب کا لہنگا جھمکتے تاش کی انگیا
کچیں تصویر سی جن پہ لگا گوٹا کناری ہے
ملائم پیٹ مخمل سا کلی سی ناف کی صورت
اٹھا سینہ صفا پیڑو عجب جوبن کی ناری ہے
سریں نازک کمر پتلی خط گل زار روما دل
کہوں کیا آگے اب اس کے مقام پردہ داری ہے
لٹکتی چال مدھ ماتی چلے بچھوں کو جھنکاتی
ادا میں دل لیے جاتی عجب سمدھن ہماری ہے
Nazeer Akbarabadi ka aur kalaam
Koi aur sher