رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
بات بگڑی وصل میں بگڑی جو تو اے زلف یار
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
دوستی
Dosti
یاد
Yaad
بات بگڑی وصل میں بگڑی جو تو اے زلف یار
کچھ پریشانی تجھے ہے کچھ پریشانی مجھے
ہاتھ اٹھا کر رہ گئے آنکھیں جھکا کر رہ گئے
تیغ عریاں کی پسند آئی جو عریانی مجھے
بن گیا ہوں آئنہ اے جلوہ ہائے برق طور
مل گئی ہے ان کی آئینے کی حیرانی مجھے
آپ اسے درباں بتائیں عذر مجھ کو کچھ نہیں
سونپئے گھر غیر کو اپنی نگہبانی مجھے
خوب روتا ہوں بگولوں سے لپٹ کر دشت میں
یاد آتی ہے جو اپنے گھر کی ویرانی مجھے
فصل گل میں رنگ لایا ہے شباب دخت رز
چھیڑتی ہے آ کے راتوں کو یہ مستانی مجھے
Riyaz Khairabadi ka aur kalaam
Koi aur sher