رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
جو دام اٹھیں حسن جوانی کے وہ کم ہیں
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
دنیا
Duniya
رات
Raat
جو دام اٹھیں حسن جوانی کے وہ کم ہیں
سودا یہ کسی طرح گراں ہو نہیں سکتا
بت خانے بنا کرتے ہیں کس طرح مساجد
جب نغمۂ ناقوس اذاں ہو نہیں سکتا
دیوانوں کا انداز اڑاتے ہیں عنادل
دیوانے میں یہ رنگ فغاں ہو نہیں سکتا
یہ جان کو میری ہے عذاب آٹھ پہر کا
دل سا بھی کوئی آفت جاں ہو نہیں سکتا
ہیں پیری و طفلی و جوانی کے مزے اور
دنیا سا کوئی اور جہاں ہو نہیں سکتا
بدلے ہوئے ہیں چرخ کے سب چاند ستارے
وہ وصل کی راتیں وہ سماں ہو نہیں سکتا
Riyaz Khairabadi ka aur kalaam
Koi aur sher