رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
یہ کس کی سایۂ دیوار نے مجھے پیسا
Intikhab-e-kalaam ·
Riyaz Khairabadi ·
ریاض خیرآبادی
· 6 sher
حسن
Husn
زندگی
Zindagi
موت
Maut
یہ کس کی سایۂ دیوار نے مجھے پیسا
یہ کون ٹوٹ پڑا مجھ پہ آسماں کی طرح
ضرور ڈھائیں گے آفت کچھ ان کے ناوک ناز
چڑھے ہیں گوشہ ابرو کڑی کماں کی طرح
رہ حیات کٹی اس طرح کہ اٹھ اٹھ کر
میں بیٹھ بیٹھ گیا گرد کارواں کی طرح
برنگ طائر بو میں ہوں غنچہ و گل ہیں
مرے قفس کی طرح میرے آشیاں کی طرح
نہ تیرے در سے ہٹے تیری ٹھوکریں کھا کر
وہیں جمے رہے ہم سنگ آستاں کی طرح
ہمیں ہے گھر سے تعلق اب اس قدر باقی
کبھی جو آئے تو دو دن کو مہمان کی طرح
Riyaz Khairabadi ka aur kalaam
Koi aur sher