رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
صیاد نے کب ناوک بیداد لگایا
Intikhab-e-kalaam ·
Riyaz Khairabadi ·
ریاض خیرآبادی
· 6 sher
غم
Gham
حسن
Husn
بہار
Bahar
صیاد نے کب ناوک بیداد لگایا
ہم اڑنے کو جب شاخ سے پر تول رہے تھے
اے آنکھ در اشک وہی نزع میں کام آئے
بن کر ترے دامن میں جو انمول رہے تھے
ہم بیٹھے تھے کس طرح تہہ شاخ فسردہ
گل ہنستے تھے مرغان چمن بول رہے تھے
شوخی سے قیامت کو وہ پاسنگ بنا کر
ہم کتنے ہیں باتوں میں ہمیں تول رہے تھے
تھے صبح کو وہ ساغر جم دست گدا میں
آلودہ مے شب کو جو کشکول رہے تھے
کچھ چپ سے ہیں اب حشر میں آنے سے کسی کے
بڑھ بڑھ کے ریاض آج بہت بول رہے تھے
Riyaz Khairabadi ka aur kalaam
Koi aur sher