رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Riyaz Khairabadi
›
Intikhab-e-kalaam
ہمیں پینے پلانے کا مزا اب تک نہیں آیا
Intikhab-e-kalaam ·
Riyaz Khairabadi ·
ریاض خیرآبادی
· 6 sher
یاد
Yaad
خدا
Khuda
مے
Mai-kada
ہمیں پینے پلانے کا مزا اب تک نہیں آیا
کہ بزم مے میں کوئی پارسا اب تک نہیں آیا
ستم بھی لطف ہو جاتا ہے بھولے پن کی باتوں سے
تجھے اے جان انداز جفا اب تک نہیں آیا
دم آخر تھے بالیں پہ جو آنے کو وہ آئے بھی
تو ہنس کر کہہ گئے وقت دعا اب تک نہیں آیا
سحر ہوتے بجھائے کون اے شمع لحد تجھ کو
کوئی جھونکا نسیم صبح کا اب تک نہیں آیا
خدا جانے ہوا کیا کوچۂ جاناں میں دل جا کر
مرا بھولا ہوا بھٹکا ہوا اب تک نہیں آیا
گیا تھا کہہ کے یہ قاصد کہ الٹے پاؤں آتا ہوں
کہاں کمبخت جا کر مر رہا اب تک نہیں آیا
Riyaz Khairabadi ka aur kalaam
Koi aur sher