رمزِ زندگی
Ramz E Zindagi
Shayar
Mauzu
Roz ka sher
Ramz
Meri pasand
Search
Home
›
Shayar
›
Haidar Ali Atish
›
Intikhab-e-kalaam
خدمت یار میں میں جبکہ ہوں سائل جاتا
Intikhab-e-kalaam ·
Haidar Ali Atish ·
حیدر علی آتش
· 6 sher
غم
Gham
دوستی
Dosti
حسن
Husn
خدمت یار میں میں جبکہ ہوں سائل جاتا
کچھ نہ کچھ بوسہ و دشنام سے ہے مل جاتا
تیرے دانتوں سے جو ہونے کو مقابل جاتا
صورت اشک گہر خاک میں مل مل جاتا
پھل ملا ہے یہ تری تیغ سے ہم کو اے ترک
پھوٹ کی طرح ہر اک زخم ہے کھل کھل جاتا
رخ کے ہوتے ہوے ڈھونڈا نہ دہن کا مضمون
سہل کو چھوڑ کے کیوں جانب مشکل جاتا
پر تو کترے ہیں یقین ہے کہ چھری بھی پھیرے
زمزموں سے مرے صیاد ہے ہل ہل جاتا
زخم کاری کی تری تیغ سے اللہ ری خوشی
رقص کرتا ہوا دنیا سے ہے بسمل جاتا
Haidar Ali Atish ka aur kalaam
Koi aur sher